ЗАЛУУЧУУД 6000 ӨРХТЭЙ СУУРИН БАЙГУУЛНА

Өөрсдөө Нэгдсэн Өмчлөгчдийн 

Манлайлагч Өрхийн Нэгдсэн Холбоо

Иргэд өөрсдөө нэгдэж 6000 өрхтэй суурин байгуулах ажлын эхлэлийг 2022 онд эхлүүлж байгаагаа “Өөрийн Байшин” Үндэсний хөтөлбөрөөс заралсан юм.  

Нэг сонирхолтой зүйл нь Өөрсдөө Нэгдсэн Өмчлөгчид байх нь суурингийн хамгийн чухал концепц гэдгийг ярьж эхэлсэн. Үүнийг хэн яаж зохион байгуулах вэ гэдэг асуултад хариулах шаардлагатай болсон. Санаачлагч "Өөрийн Байшин" Үндэсний хөтөлбөрийн зөвлөх Ч.Батцэнгэл 6000 өрхтэй суурин байгуулах "Өөрийн Байшин" Үндэсний хөтөлбөрийн УЗ-ийн гишүүдийн төлөөлөлтэй уулзах уулзалт дээр түүний илэрхийлсэн санаа бол Манлайлагч өрхийн нэгдсэн холбоог байгуулах нь зүйтэй гэдэг санаа дэмжигдсэн юм. Ингээд Өөрсдөө Нэгдсэн Өмчлөгчдийн Манлайлагч Өрхийн Нэгдсэн Холбоо байгуулах талаар ярилцаад тухайн үгийн товчлолыг харсан ӨНӨ МӨНХ гэдэг үг бүтсэнд маш их бэлэгшээж байгаа юм.

Холбоо нь удирдлагын нэгдсэн төвтэй байх бөгөөд бид нэгдсэн удирдлагын төв байгуулахдаа зөвлөх архитекторууд, зөвлөх инженерүүд, экспертүүд, эдийн засаг, санхүүгийн зөвлөхүүд гээд бүхий л талын мэргэжлийн байгууллагын төлөөлөл, экспертүүд болон олон жилийн туршлагатай хүмүүсээс бүрдсэн удирдлагын төвийг байгуулна. Удирдлагын төвийн макро түвшинд хамтран ажиллах, ажлын хэсгийн ахлахаар тухайн үеийн Засгийн Газрын Ерөнхий Сайдыг урьж ахлуулан ажиллах зэргээр төртэй хамтрах залгамж халааг хадгалж ажиллана. Харин тэр удирдлагын төв нь шилдэг 100 модераторуудтай байна. Модераторууд нь 9 дүүрэг, 21 аймаг, 330 суманд үүсэн бий болох эхлэлийг тавьж байгаараа онцлогтой юм.

Бид модераторуудыг шарк гэж томъёолж байгаа юм. Зохицуулагчид нь үйл ажиллагааны зардлыг дундаасаа гаргах үүрэгтэй байх ба үндсэн 2 үйл ажиллагаанд хөрөнгө оруулах эрхмүүд байна. Платформын төслүүдээс 15%-ийн ашиг хүртэх эрхтэй болно. Платформын суурин байгуулах төсөл нь ирээдүйд хэрэгжүүлэх төслүүдийн зөвхөн нэг хэсэг буюу эхлэл юм. Шарк гэж томьёолж буй манлайлагч залуучуудын нэгдэл бол үүнийг бүтээх маш том хүч мөн гэж ойлгож болно. Гэхдээ энэ ажилд дундажаар 8,8 жилийн хугацааг зарцуулна. Энэ хугацааг үр дүнгүй өнгөрөөх боломж байхгүй, хариуцлагатай, итгэл даах ажил юм. Хэрвээ та үүнд хүч болж нэгдэхийг хүссэн бол шийдвэр тань хоосон мөрөөдөл биш юм. Таны 8 жилийн зүтгэл 1 сарын цалинтай харьцуулбал сард 21,000,000 төгрөг байна. Үүнийг бид сэтгэл хөөрлөөр тооцоод байгаа зүйл огт байхгүй. Бодит тооцоог дунджаар тодорхой тоон дээр үндэслэж гаргасан.

100 шарк яах вэ? гэж асууж байна.

1. 6000 өрхтэй суурин байгуулах үйл ажиллагааны зардлыг дундаасаа гаргана.
2. Нэг шарк дундажаар 8,5 сая төгрөгийн зардлыг хөрөнгө оруулалт хэлбэрээр гаргана.
3. 50% нь зураг төслийн зардалд зарцуулна.
4. 50% нь үйл ажиллагааг хялбарчлах, удирдах платформын хөгжүүлэлэлтэд зарцуулна.
5. 6000 өрхтэй суурин байгуулах үйл ажилгааг хамтран зохион байгуулалцах модераторын үүрэг гүйцэтгэнэ.
6. Шарк бүр 6000 өрхтэй суурин байгуулалцсан бүтээн байгуулалтаас 15%-ийн ашгийг хувиарлана.
7. Өгөөж нь 1 шаркад 2,016,000,000 /нэг тэрбум арван зургаан сая/ төгрөг байна.
8. Дунджаар 8,8 жилдийн хугацаа зарцуулна.

Зохицуулдагчид сууринд байрлах 100 хаусны загварын 1 хаусны загварыг хариуцаж модератор хийнэ. Нэг хаусны загвар 60 хүн бүртгэнэ. Хаусны загварыг гаргахдаа “Өөрийн Байшин Үндэсний Академ”-ын “Төслийн Сургалт”-аар дамжуулан Архитекторуудтай хамтран Төсөөллөө БОДИТ болгох ажлыг эхлүүлнэ. Тухайн ЭСКИЗ буюу загвар зураг, концепцийг боловсруулахдаа 60 иргэн хоорондоо ярилцаж хамгийн зөв шийдлүүд дээр тогтож, нээлттэй, чөлөөтэй бүх талаас нь ярилцаж эцсийн байдлаар батална. Үүний дараа “Өөрийн Байшин Үндэсний Платформ”-ын зураг төслийн хүрээлэн буюу институтээр иж бүрэн зураг төслийг боловсруулах ажлыг мэргэжлийн хүмүүстэй, инженерүүдтэй, зөвлөхүүдтэй, экспертүүдтэй хамтран ажил хэрэг болгоно. Ингээд 6000 өрхтэй суурингийн ерөнхий төлөвлөгөөнд оруулах ажлыг эхлүүлнэ.

Суурийнгийн байршлыг одоогийн байдлаар Улаанбаатар хотоос 18-28км-ын зайд байхаар мөн 80-90км-ын зайд байхаар төсөөлж байгаа юм. Төвөөс зүүн, баруун, босоо тэнхлэгийн дагуу байхаар ярилцах сэдэвийг эхлүүлж байна.

Энэ сэдвээр CLUBHOUSE-д анхны хэлэлцүүлгийг өрнүүлсэн юм. Тухайн хэлэлцүүлэгт 280 орчим хүн оролцсон. Хэлэлцүүлэгийн үеэр маш олон шийдлүүд, санаанууд яригдсан, олон хүмүүс дэмжиж байгаагаа илэрхийлсэн. Тухайн хэлэлцүүлэгт яригдсан онцлох санаануудыг хуваалцаж байна.

• Ультрасоник компанийн ерөнхий захирал Чимэдцэцэг: Өөрийн бодлоо хуваалцахдаа таатаа байна. Миний бодлоор зүүн, баруун, босоо тэнхлэгийн дагуу, төв зам дагуу төлөвлөх нь зүйтэй гэхдээ 6000 өрхийг нэг дор төвлөрүүлэх нь зөв үү? харин 2000-аар болгоод 3 байршилд төлөвлөвөл их зүгээр санагдаж байна.
• Өөрийн Байшин Үндэсний хөтөлбөрийн тэргүүн Батцэнгэл: Бид дөнгөж ярьж эхэлж байна. Клубхаус дээр бид анхны хэлэлцүүлэгээ өрнүүлж байна. Цаашид бид энэ ажилд технологийн шийдлүүдийн давуу талуудыг ашиглах бөгөөд үйл ажиллагаандаа нэвтрүүлэх болно. Үүний эхлэл бол OWNHOUSE платцорм юм. Энэ платформоор дамжуулан 1 хүн, 100 хүн биш 6000 хүн санаа бодлоо хуваалцаж маш олон талаас нь нээлттэй ярилцаж, хамгийн зөв шийдлүүд дээр тогтож ярилцах түүнийг олонхын саналаар батлах арга замаар 6000 өрхтэй суурин байгуулах болно.
• Гадаадаас оролцож буй иргэн Зайсан: Та бүхний энэхүү санаачлага үнэхээр таалагдлаа, залуучууд нэгдэх цаг нь болсон. Харин та бүхэн энэ ажлаа эхлүүлэхдээ, газар орон сонгохдоо, тухайн нутагын онцлог давуу талуудыг устгахгүй байх тал дээр маш их ач холбогдол өгч хамтарч ажиллаарай. Жишээ нь тус нутаг усанд байдаг эмийн ургамлыг судлах хэрэгтэй учир нь дэлхий дээр байхгүй ховор эмийн ургамал байх тохиолдлууд Монгол Улсад маш олон байдаг үүнийг нэн анхаарч үзэхийг хүсэж байна.

ЯАЖ ОРШИН СУУГЧ БОЛОХ ВЭ?

Бид 6000 өрхтэй суурин байгуулах ажлыг гэнэтхэн гоё санаа орж ирээд, тэгээд түүнийгээ сүртэй яриад сууж байгаа зүйл бол огт биш юм. Бид үүнийг маш олон талаас судалж, бага багаар хийж, бүтэлгүй болдог олон туршлагуудыг туулсан юм. Манай багийн залуучууд хамгийн багадаа 11 жилээ зориулж, 25-35 жилийн туршлагатай хүмүүс нэгдэж чадсан ажлын нэг хэсэг юм.

Та бүхэн 6000 өрхтэй суурингийн оршин суугч болох хүсэлтэй байгаа бол албан ёсны пэйж хуудасны бүртгүүлэх товч дээр дараад бүртгүүлээрэй. Мөн доорх бүртгэлийн форумаар шууд бүртгүүлэх боломжтой. 

Оршин суугчдын бүртгэлийн форум: https://bit.ly/3mZdfSK

Оршин суугчдийн бүртгэл нь судалгаан дээр суурилан албан ёсоор эхэлж байгааг хөтөлбөрөөс заралаад 2 хонож байна. Эхний байдлаар сууринд амьдрах хүсэлтээ илгээсэн 77 иргэн, 27 зохицуулагч хүсэлтээ ирүүлсэн байна.

Удахгүй модераторуудын албан ёсны анхны уулзалт энэ сарын сүүлээр болно. 

Төсөөллөө #БОДИТ болгох ажлыг эхлүүл…

Гутранги хандлага-тай иргэдээс буруу хандлагууд ирж байгааг хуваалцахгүй байж болохгүй юм. Цаашид бидний үйл ажиллагаа алдаа, оноо, амжилт, буруу, зөв бүхэн нь нээлттэй шилэн байдлаар платформ дээр суурилан явагдах болно.

Хяналт тавьж оролцох эрх нээлттэй!!!

Бид үүнийг алдаагүй хийх дарааллыг платформ болгож байгаа юм. Платформын алгоритм нь шилэн данстай, блокчайн технологид суурилсан байхаар төлөвлөж байна. Оролцож байгаа хүн бүр хяналт тавих талбарыг нээж өгч байгаагаараа бусад төслүүдээс онцлогтой. Ганцхан хүн эсвэл нэг байгууллага ашиг хүртэхгүй байхаар зохион байгуулж байгаа нь ч онцлог давуу талтай болж байгаа юм.

Эцэст нь үүнд нэгдэх хүсэлтэй иргэн бүрд хандаж хэлэх зүйл байна. Бид гэнэтхэн мөнгө олох гоё супер санаа бодож олоод яриад хөөрцгөөгөөд, суугаад байгаа зүйл огт биш юм. Үүнийг санаачлан эхлүүлсэн "Өөрийн Байшин" Үндэсний хөтөлбөрийн тэргүүн Батцэнгэл энэ ажилдаа 12 дах жилээ зориулж байна. Үүнд нэгдсэн Архитекторууд, Инженерүүд, Зөвлөхүүд, Экспертүүд бүгд 25-35 жилээ зориулсан хүмүүс байгаа гэдгийг дахин хэлмээр байна.

Учир нь Үндэсний хөтөлбөрийн тэргүүн, та бүхнээс хүссэн хүсэлтээр энэхүү мэдээллээ дуусгая.

"Намайг янз бүрээр хэлж болно, доромжилж болно гэхдээ үүнд нэгдсэн мэргэжлийн хүмүүсийг доромжлохыг би хатуу эсэргүүцнэ"

Цаашид өрнөх мэдээлэл бүрийг OWNHOUSE платформоос аваарай.